මගේ බිසව්නේ අසාපන්

ගුණදාස කපුගේ තරම් ගීතයක රස දැනෙන්නට ගායනා කරන්නට හැකියාවක් තිබූ ගායකයෙක් තවත් නැති තරම්. කපුගේට රජරට සේවයට දඬුවම් ස්ථාන මාරුවක් ලබාදී කොළඹින් ඔහු ඉවත් කලත් පසු කලෙක කපුගේ නැවත කොළඹ එන්නේ රජ රටින් කලාකෙතට අංකුර කලාකරුවන් රැසක් හඳුන්වා දීමෙන් අනතුරුවය. අයියන්ඩියේ, දවසක් පැල නැති හේනේ, උල ලේනෝ, බිම්බරක් සෙනඟ, සබඳ අපි කඳු නොවෙමු ආදී ගී වලින් ජීවිතය මෙයැයි මතුකොට පෙන්වූ ඔහු ගායනා කල තවත් එවන්ම වූ ගීතයක් වූයේ මගෙ බිසවුනේ අසාපන් ගීතයයි. රත්න ශ්‍රී විජේසිංහයන්ගේ විශිෂ්ඨ ගේය පද රචනාවෙන්ද කපුගේගේ සංගීතයෙන් හා ඔහු විසින්ම ගායනාකළ මේ ගීතයෙන් විටක කපුගේගේ ජීවිතයද කියැවේ. අසා ඇති පරිද්දෙන් රත්න ශ්‍රී මේ ගීතයට තේමා කොටගෙන ඇත්තේ නාගරික පෙදෙසක ජීවත්වන ගුරුවරයෙකු හට දුෂ්කර පලාතකට ස්ථාන මාරුවීමක් ලැබුන පසු ඔහු සමඟ එහි යන්නට උත්සහ කරනා බිරින්දෑ හට එහි යන්නට ඔහු සමඟ නෝ එනා ලෙස කියන්නාවූ දෙබෙස ගීතයකට ගෙත්ත්ම් කිරීමක්ය.

මගේ බිසව්නේ අසාපන්
නුඹ මන්ද්‍රීදේවී නොවුනි
දුෂ්කරවූ ඒ පලාතේ
මට යන්න දෙන්න දේවී

මේ කඳුලු ඇයිද දෑසේ
බෑ යන්ට නුඹට හිමයේ
ගොස් ඉන්ට කුලී නිවසේ
විශඝෝර සර්ප භවනේ

නුඹ වන්ද්‍ර මඩල වැන්නේ
සා පැටව් එහි නිදන්නේ
හාමතේ නොලා දරුවෝ
නවතින්න බිසව් නගරේ
නුඹ නොදී එතර රටටා
දරු නොදී වහල් කමටා
දිවි පුදා තොප රකින්නම්
නොපුරා එහෙත් පෙරුම්දම්

මේ කඳුලු ඇයිද දෑසේ
බෑ යන්ට නුඹට හිමයේ
ගොස් ඉන්ට කුලී නිවසේ
විශඝෝර සර්ප භවනේ
නුඹ වන්ද්‍ර මඩල වැන්නේ
සා පැටව් එහි නිදන්නේ
හිමවතට ඇවිත් හීනෙන්
හිත සඳුන් තවරපන්නේ

මගේ බිසව්නේ අසාපන්
නුඹ මන්ද්‍රී දේවී නොවුනි
දුෂ්කරවූ ඒ පලාතේ
මට යන්න දෙන්න දේවී

Advertisements

පායා ඇයි හිනැහෙන්නේ…. එපා නොවෙන සිංදුවක්

මේ සින්දුව කවදාවත් ඇහුවට එපා වෙන්නෙ නැති සින්දුවක්. 1958 දී තිරගතවුන මධුමතී හින්දි චිත්‍රපටියේ අඩංගුවූ Toote huve khawabon ne සින්දුවේ සිංහල කොපිය තමයි පායා ඇයි හිනැහෙන්නේ. සිංහල ගීතය මුලින්ම ගායනා කලේ එච් ආර් ජොතිපාල මහත්මයා ගීතය ලියල තියෙන්නෙ ඇලෝයි ගුණවර්ධණ කියල මහත්මයෙක්. නමුත් කාලෙන් කාලේට විවිධ ගායකයන් මේ ගීතය ගායනා කරනු අහන්නට ලැබුනා ඒ අතර කසුන් කල්හාර, මධුමාධව අරවින්ද, රූකාන්ත ගුණතිලක, පුන්සිරි සොයිසා වගේ ගායකයන් ලිස්ට් එකක්ම ඉන්නව. මේ ගීතය අලුතින්ම ගායනා කරන්නේ මිලින් රූපසිංහ අලුත් මියුසික් වීඩියෝ එකක් එක්කම නිර්මානය කරල තියන පායා ඇයි හිනැහෙන්නේ අලුත් ගීතයත් අපූරු නිර්මාණයක්. කලිනුත් කිව්වා වගේ පායා ඇයි හිනැහෙන්නේ ගීතය හැමදාම අහන්න පුලුවන් ලස්සන සින්දුවක්.

පායා ඇයි හිනැහෙන්නේ
නිල් ගුවනේ තරු රාශී
ඇතිවී නැතිවී නම් ඇගෙ මුහුනේ
නිල්වන් දෙනෙතේ කාන්තී
පායා ඇයි හිනැහෙන්නේ

ඇගෙ වත මට නොපෙනේනම්
පුන් සඳ ඇයි හිනැහෙන්නේ
නැතිදා ඇගෙ ගී රාවේ
කොවුලනි ඇයි ගී ගැයුවේ…

වනයේ පිපි මල් ගොමුවේ
සමනලයින් ඇයි නැටුවේ
ඇතිවී නැතිවී නම් ඇගෙ මුහුනේ
නිල්වන් දෙනෙතේ කාන්තී
පායා ඇයි හිනැහෙන්නේ

ඇගෙ දිමුතු දසන් නොපෙනී
මට මොකටද මුතු පන්තී
ඇගෙ කඳුලැලි නැති විටදී
ඕනෑ නෑ දියමන්තී
පායා ඇයි හිනැහෙන්නේ

මධුමතී හින්දි චිත්‍රපටියේ අඩංගුවූ Toote huve khawabon ne ගීතය

එච් ආර් ජොතිපාල ගායනා කල ගීතය

කසුන් කල්හාර ගායනා කල ගීතය

මිලින් රූපසිංහ ගායනා කල ගීතය

මිලින්ගෙ සින්දුව අහපු යාලුවෙක් මූනු පොතේ මෙහෙම දාල තිබ්බ “මේක තරමි REMIX වුන AND ඇහුවට ඵපා වෙන්නෙත් නැති සිංදුවක් නැති තරම්” ඇත්ත මේ තරම් REMIX වුන AND ඇහුවට ඵපා වෙන්නෙත් නැති සිංදුවක් නැති තරම් 😀

Challengers සිංහල සිනමාවේ ගොන් පාට්

අද හෙට රිලීස් වෙන සිංහල ෆිල්ම් එකක් තියනව Challengers කියල. මමත් නිකමට වගේ යූ ටියුබ් එකේ බැලුව මේ ෆිල්ම් එකේ තියන සින්දු එහෙම කොහොමද කියල මුලින්ම බැලුවේ තිලින රුහුණුගේ කුෂාණි ගායනා කරන මදහස් පාලම සින්දුව අවුලක් නෑ අහන් ඉන්න පුලුවන් සින්දුවක්. ඔන්න suggestions  තව වල තියනව තව සින්දු සෙට් එකක්ම මුලින්ම තිබ්බෙ Romeo කියල සින්දුවක් ඔන්න ඒකත් බලන්න පටන් ගත්ත මුල් තප්පර දෙකතුන යද්දිම මේ සින්දුව අහල පුරුදුයි වගේ තේරුනා හප්පා දැන්නෙ මීටර් එකට වැටුනේ 2006දි තිරගතවුන තෙලිගු චිත්‍රපටියක තියන සින්දුවක්නෙ මේක. චිත්‍රපටියේ නම Bommarillu කට්ටියට මතක ඇතිනෙ Boys දමිල චිත්‍රපටිය ඒ චිත්‍රපටියේ රඟපාන සිද්ධාර්ත් සහ ජෙනේලියා ඩී සූසා තමයි මේ චිත්‍රපටියේත් ප්‍රධාන චරිත රඟපාන්නේ. කලින් Bommarillu චිත්‍රපටියේ Romeo සින්දුව බලල තියෙන නිසා සිංහල චිත්‍රපටියේ Romeo සින්දුව බලද්දී මාරම අවුල් (හික් හික් වමනෙ යන්නත් ආව :p ) තෙලිගු සිංදුවෙ සිද්ධාර්ත් රංගනයේ යෙදෙන ආකාරය සහ සිංහල චිත්‍රපටියේ පුබුදු රංඟනයේ යෙදෙන ආකාරය හොදට බලන්න. මටනම් හිතෙන්නෙ පුබුදු හරිම අමාරුවෙන් තමයි සිද්ධාර්ත්ව කොපි කරන්න ට්‍රයි කරන්නෙ. කොහොම උනත් මමනම් තීරණයක් ගත්ත Challenger චිත්‍රපටිය බලන්නෙ නෑ කියල නිකන් මොකටද සල්ලි දීල ගොන් පාට් බලන්නෙ.

Challengers චිත්‍රපටියේ Romeo සින්දුව

 

 

Bommarillu චිත්‍රපටියේ Romeo සින්දුව

 

 

සිංහල චිත්‍රපටියට Challengers කියල නම දාන්න ඇත්තෙ හරියට කොපි කරන එකත්  Challenge එකක් නිසා වෙන්න ඇති.

කැඩපත කැඩපත ලස්සනම හිනාව කාගෙද ????

 

මේක තමයි මේ දවස් වල අපේ බයිට් කතන්දරය. නුවර ඉදන් ආපු අපේ උන් සෙට් එකක් ඉන්නව මුන් ඔක්කොම ගෙයක් අරන් එකට නැවතිල ඉන්නෙ. දන්නවනෙ ඉතින් බෝඩින්වල තියන පහසුකම් මේ බෝඩිමටම තිබුනෙ එකම එක කණ්නාඩි කෑල්ලයි, ඒකත් ඉතින් බේතට වගේ තමයි. ඉතින් අපේ උන් රැවුල් කපන්නෙයි රෑපලාවන්‍ය සීන් ඔක්කොම කරගන්නෙ ඔය කණ්නාඩි කෑල්ලෙන් තමයි. මේ බොඩිමේ ඉන්නව චරිතයක් නමින් කිව්වොත් බේබි කෝසල උට එහෙම කියන්න හේතුව තමයි මෑන් වැඩිපුරම පාවිච්චි කරන්නේ බේබි නිෂ්පාදන, ( බේබි සබන්, බේබි කොලොන්, බේබි ක්‍රීම් ) අද ලෙක්චර්ස් ආපු වෙලාවෙ ඉදන් බෝඩිමේ උන් බේබි කෝසලට බනිනව, ඒකට හේතුව බේබි කෝසල අතින් අර බේතට වගේ තිබ්බ කණ්නාඩිය බිම වැටිල බිදිල ගිහින්, අනික් උන් ඔක්කොටම ඒකට මල. කොහොම හරි අන්තිමට අපිට ආරන්චි උනා ඇත්තටම මොකද උනේ කියල. උදේ පාන්දරම බේබි කෝසල නැගිටල දත් දෙක එහෙම මැදල කණ්නාඩිය ඉස්සරහට ගිහින් අහල කැඩපත කැඩපත සුදුම සුදු දීප්තිමත් හිනාව හිමි කාටද කියල. එතකොට කැඩපත කිව්වලු ඔයාගෙ කාමරේ ඉන්න සුනෙත්ට තමයි සුදුම සුදු දීප්තිමත් හිනාව තියෙන්නෙ කියල ඒක අහපු බේබි කෝසලට මල පැනල කණ්නාඩිය පොලොවෙ ගහල 😀 

ඉන්දියානු සිනමාවේ සොදුරු සිත්තම්කරුවා මනිරත්නම්

1956 ජූනි මස 2දා තමිල්නාඩු ප්‍රාන්තයේ මදුරෙයි නගරයේදී මෙලොව එලිය දුටු මනිරත්නම් නම්වූ අද්විතීය සිනමා කරුවාගේ මුල් නම වූයේ ගෝපාලරත්නම් සුබ්‍රමනියම් යන නාමයයි පසු කලකදී ඔහු හැදින්වීමට මනිරත්නම් යන නාමය භාවිතා කරන්නට විය. මදුරාසි විශ්ව විද්‍යාලයට අනුබද්ද විවේකානන්ද විද්‍යාලයෙන් වානිජ විද්‍යා උපාදියක් ලබාගත් මනිරත්නම්, සිනාමා කරනයට අත් පොත් තැබුවේ ඔහුගේ සොහොයුරා වූ සිනමා නිෂපාදකයකු වූ ජී වෙන්කටේශ් ගේ අභාශය ලබමින්ය. 1983 දී නිර්මානය කරන ලද අනිල් කපූර් රංගනයෙන් දායක වූ කර්නාටක චිත්‍රපටියක් වූ pallavi anu pallavi චිත්‍රපටිය මනිරත්නම්ගේ ප්‍රථම සිනමා නිරමානයයි.

ඉන්පසුව 1984දී උර්දු, මලයාලම් හා දමිල චිත්‍රපටි දෙකක් කලද සාර්ථකත්වයක් ලබාගැනීමට ඔහු හට හැකියාවක් නැතිවිය. නමුත් ඉන් නොනැවතුන ඔහු 1985දී නිර්මාණය කරන ලද Mouna Ragam දමිල චිත්‍රපටිය ඔහු දමිල සිනමාවේ දැවැන්තයකු ලෙස ඔසවාතබන්නට සමත්වූවා. 1987 දී මනිරත්නම් අද්යක්ෂනය කල කමලා හසන් රංගනයෙන් දායක වූ බොම්බායේ ( මුම්බායිහී) ජීවත්වූ පාතාල නායකයෙකු වන වරදරාජන් මුද්ලියර් පිළිබඳව නිර්මාණය වූ Nayagan චිත්‍රපටිය මනිරත්නම්ගේ සිනමා දිවියේ නොමැකෙන සටහනක් තබමින් එම වසරේ සාර්ථකම චිත්‍රපටිය බවට පත්විය. 80 දශකයේ අග භාගයේ මනිරත්නම් නිර්මාණය කළ Agni Natchatriram දමිල සිනමාවේ නව මානයන් සොයා ගිය චිත්‍රපටියකි. විශේෂයෙන් චිත්‍රපට ගීත නව මගකට ගෙනගිය චිත්‍රපටියක් ලෙස Agni Natchatriram හැදින්විය හැක. තවද වාර්ථා තබමින් Agni Natchatriram චිත්‍රපටිය අති සාර්ථකත්වයක් ලබාගත්තා.

ඉන්පසුව Nagarjun හා Anjali චිත්‍රපටිද ,නැවතත් පාතාල ලෝකය පාදක කරගෙන නිර්මාණය කළ රජිනි කාන්ත් රංගනයෙන් දායකවූ Thalapathi චිත්‍රපටියද 1991 දී අති සාර්ථකත්වයට පත්වූවා. Thalapathi චිත්‍රපටිය දක්වා මනිරත්නම්ගේ චිත්‍රපටි බොහොමයකට සංගීතය නිර්මාණය කලේ ප්‍රවීන දකුණු ඉන්දියානු සංගීතවේදී ඉලෙයිරාජාය. 1992 දී මනිරත්නම් නිර්මාණය කල ඒ.ආර්. රහුමාන් සංගීතය නිර්මාණය කළ ආනන්ද් සාමි සමගින් මධූ රංගනයෙන් දායකවූ Roja චිත්‍රපටිය එම වසරේදී මොස්කවු අන්තර්ජාතික සිනමා උලෙලේදී Golden St. George සම්මානයෙන් පිදුම් ලැබුවා. ඉන්පසුව රාම් ගෝපාල් වර්මාගෙ තිර පිටපතකට අනුව නිර්මාණයකළ Thiruda Thiruda චිත්‍රපටිය ටොරොන්ටෝ අන්තර්ජාතික සිනමා උළෙලේදීත් ප්‍රදර්ශනයවූවා, 1995දී මනිරත්නම් නිර්මාණය කළ ආනන්ද්සාමි සමගින් මනීෂා කොයිරාල ප්‍රධාන චරිත නිරූපනය කල ඒ.ආර් රහුමාන් සංගීතවත් කළ Bombay විත්‍රපටිය ආර්ථිකව සාර්ථකවූවා පමනක් නොව අන්තර්ජාතික සිනමා උලේලවල් රැසකින් සම්මානවලින් පාත්‍රවිය. මෙම චිත්‍රපටිය 1993දී ඉන්දියාවේ ඇතිවූ හින්දු මුස්ලිම් කෝලාහල පාදක කරගෙන නිර්මාණයවූ චිත්‍රපටියකි. 2000 වසරේ නිර්මාණය කල ශාරුක් ඛාන් සමගින් ප්‍රීටි සින්ටා හා මනීෂා කොයිරාල රංගනයෙන් දායකවූ Dilse විත්‍රපටියත්. එම වසරේම නිර්මාණය කළ ආර් මාධවන් හා ශාලිනී රංගනයෙන් දායක වූ Alaipayuthey විත්‍රපටත් ඉතා ඉහල පේක්ෂක ප්‍රතිචාර දිනාගැනීමට සමත්වූවා. මෙම චිත්‍රපටි දෙකම දමිල හා හින්දි බසින් නැවත නිර්මාණය කරන ලදි.

වසර 2002දී ලංකාවේ යුද්දය පිළිබන්දව මනිරත්නම් නිර්මාණය කළ Kannathil Muthamittal චිත්‍රපටිය සඳහා විවිධ සිනමා උලෙළවල් වලදී සම්මාණ රාශියක් දිනාගන්නට සමත් වූවා. සිම්රන් හා ආර්.මාධවන් මෙම චිත්‍රපටියේ ප්‍රධාන චරිත නිරූපනය කළ අතර ඒ.ආර්. රහුමාන් සංගීතය නිර්මාණය කළා. 2004දී Ayutha Ezhuthu දමිල චිත්‍රපටියද එම චිත්‍රපටියම හින්දියෙන් Yuva ලෙසද නිර්මානය කලත් එතරම් සාර්ථකත්වයක් ලබාගැනීමට හැකියාවක් ලැබුනේ නැත. 2007 වසරේදී අතිසාර්ථකවූ Guru චිත්‍රපටියත්,වසර 2010 දී  Ravan චිත්‍රපටයත් නිර්මාණය කරමින් නැවත සාර්ථකත්වයට පත් මනිරත්නම් නැවත වරක් Nayagan චිත්‍රපටිය නව නිෂ්පාදනයක් ලෙසින් එලිදක්වන්නට කටයුතු සූදානම් කරමින් පවතිනවා. මෙම චිත්‍රපටියේත් ප්‍රධාව භූමිකාව රඟ දක්වන්නේ කමලා හසන් වීමද විශේෂත්වයක්. දේශපාලනික වශයෙන් කුමන අදහස් දැරුවත් දමිල,හින්දි,කර්නාටක,උර්දු, මලයාලම් සිනමාව ජයගත් මනිරත්නම් සැබෑම දක්ෂයෙක්.

පැනි කොල්ලන් හා පෙති කොල්ලන්

මේක ටැබූට අයිති කථාවක් ඒත් ටැබූ පහුගිය දවස්වල  ( බාන්කී මූන් Vs විමලසිරි ගම්ලත් ) දිවා රාත්‍රී ටෙස්ට් ක්‍රිකට් මැච් එක ගැන එක දිගට ලියපු නිසා ඊට කලින් ටැබූ ලියපු ගංජ කතන්දර අතරමග නැවතුනාද මන්ද, ටැබූගෙ ගංජ කතන්දර අවසානේ පැනි සහ පෙති ගැනත් මීට වඩා හොදට ටැබූ ලියයි කියල හිතනව. දැන් කියන්නම් පැනි කොල්ලන් හා පෙති කොල්ලන්ගෙ කතාව, අපේ රටේ මත්ද්‍රව්ය කියපුහම ගොඩක් දෙනෙක්ට මතක් වෙන්නේ හෙරෝයින්, ගංජ, කොකේන්, ඔයවගේ දේවල්නේ. අපේ රටේ පාසල් සිසුන් සහ උසස් අද්යාපනය සදාරන සිසුන් බොහෝ පිරිසක් මේ ආකාරයේ විවිද මත්ද්‍රව්ය වලට අබ්බැහිවෙලා ඉන්නව.   ඒ අය අතුරින් අති බහුථරයක් ඇබ්බැහිවෙලා ඉන්නෙ පෙති සහ පැනි වලට කිව්වොත් ඔබ පුදුම වේවි. පුදුම වෙන්න දෙයක් නැහැ ඇත්ත කථාව ඒකයි. මේ සිදුවීම් මට සමීප පුද්ගලයන් පිරිසකටත් මුහුන දෙන්නට සිදුවුන නිසා ඒ පිළිබඳ යම් තරමක අත්දැකීම් මා සතුව තිබෙනව. මේ වගේ මත්ද්‍රවය වලට බහුතරයක් ඇබ්බැහි වන්නේ නරක මිතුරන් ඇසුර නිසාය. මුලින්ම අත් හදා බැලීමට මේන් මත්ද්‍රව්ය භාවිතා කරන්නන් අවසානයේදී නවතින්නේ අවාසනාවන්ත විදිහට මත්ද්‍රව්ය වලට දැඩි ලෙස ඇබ්බැහි වීමෙන්.මේ ආකාරයට මත්ද්‍රව්ය වලට ඇබ්බැහි වීම ඇරබෙන්නේ කණ්ඩායම් වශයෙන් දුම් පානයට යොමු වීමේදී, ඉන් පසුව ගංජා වලටත් අරක්කු වලටක් යොමුවේ.  නමුත් කාලයක් ගතවන විට ඉහත කී ද්‍රවය සදහා යන වියදම දිනපතා දැරීමට අපහසු වූ විට, ඔවුන් වෙනත් විකල්පයන් කරා යොමුවෙ. ( ඔවුන්ගේ වචන වලින්ම කියනවනම් අඩු මිළට වැඩි ආතල් ගැනීමට ) මෙහිදී කලින් පෙති සහ පැනි භවිතාකර ඇති අයෙක් මේ, අලුත් අත් හදා බැලීම කරන්නට අනෙක් අයට යොජනා කරයි, වෙනත් විකල්පයන් නොමැති කම නිසා අනෙක් පිරිස ඔහුට එකඟ වෙයි. මානසික ආභාද සහිත රෝගීන් හට ලබාදෙන බෙහෙත් පෙති වර්ග දෙකක් අධි මාත්‍රාවෙන් ගැනීම මෙහිදී සිදු කරයි රුපියල් පහකට මෙම බෙහෙත් පෙති සීයක් පමණ ලබාගත හැක සාමාන්යෙන් එක් පුද්ගලයෙක් වරකට මෙම පෙති විස්සක් පමණ පානය කරයි. එවිට දවස් දෙක තුනක් යනතුරු සිදුවන කිසිම දෙයක් පිළිබඳ මතකයක් ඔවුන් හට නැත බලා ගත්ත අත බලාගෙන විකාර කියවමින් දවස් ගනන් කාලය ගත කරයි. මේ ආකාරයෙන් මත්වූ පුද්ගලයන් දවස් දෙක තුන මත්වී සිටින බව අසන් ඔබ සමහර විටක පුදුම වේවි. ඔවුන් කියන්නේ එවිට ඔවුන්ගේ මනස නිරවුල් වන බවය නමුත් ඔවුන්ගේ නියම ස්වරූපය දකින්නේ පියවි සිහියෙන් සිටින පුද්ගලයන්ය.
ඒ පෙති ගැන කතාවය, මේ ආකාරයෙන් තවත් මත්ද්‍රව්යක් ලෙස යොදා ගන්නා තවත් ඖෂධයක් ඇත. මේ ඖෂධය සාමාන්යයෙන් නිතරම ලබාදෙන පැනියකි, මෙය කුඩා ලමුන්හට මෙන්ම වැඩිහිටි පුද්ගයන්ටද ලබාදෙයි, ඒ ඉතාමත් කුඩා මාත්‍රාවකින්ය. නමුත් කලින් සඳහන් කල ආකාරයටම මේ පැනියත් අධිමාත්‍රාවෙන් ලබාගත්විටත් එය මද්‍රව්ය තරමටම හානිකර තත්වයන් ඇතිකරයි. හෙරෝයින්, ගංජ, කොකේන්, වැනි මත්ද්‍රව්ය අත් අඩංගුවට අන්නා අතරම තරුණ පරපුර වැඩි වශයෙන් ඇබ්බැහි වෙමින් පවතින පෙති හා පැනි ව්යසනය පිළිබඳව අවදානය යොමු නොවීම කනගාටුවට කරුනක්. පිළිගත් වෛද්ය වරයෙක් නිකුත් කරනා බෙහෙත් තුන්ඩුවක් නොමැතිව ඕනෑම පුද්ගයෙක් හට ඉතා පහසුවෙන් ඉහත සඳහන් කරඇති ඖෂධ ලබා ගත හැක. තවද රුපියල් සී‍යට හොර වෛද්ය සහතික සකස් කර දෙන රටක මෙවැනි අන්තරායකාරී ඖෂධ ලබා ගැනීමට බෙහෙත් තුන්ඩුවක් ඉතා පහසුවෙන් ලබාගත හැක. ඉස්සර දුම්වැටි විරෝදී දැන්වීමක මෙහම තිබුන “පව් ජෝන් තාමත් සිගරට් බොනව” ඒත් තව ටික දවසකින් කියන්න වෙන්නේ “පව් ඉස්කෝලෙ යන කොල්ලො තාමත් පෙති ගහනව කියලයි” බලධාරීන් මේ වසන්ගතයන්ට එරෙහිව නිවරදි පියවර ගන්නට ප්‍රමාද වන තරමට විනාශ වන්නේ අපේ රටේ තරුණ ජීවිතයි.